როგორ ითამაშეს "ბარსელონადან" იჯარით წასულმა ფეხბურთელებმა
"ბარსელონას" საკუთრებაში მყოფი და სეზონის ბოლომდე იჯარით მოთამაშე ფეხბურთელებისთვის მორიგი საფეხბურთო უიქენდი დასრულდა. გთავაზობთ ამ ფეხბურთელების თამაშის მიმოხილვას.
მარკ კუკურელია
ხეტაფე
ლა ლიგის 27-ე ტურში, "ხეტაფემ" "სელტას" უმასპინძლა. თამაში უგოლოდ დასრულდა. მასპინძელთა მარცხენაფლანგელმა, მარკ კუკურელიამ სრულად ითამაშა და პირველი ტაიმის მიწურულს ყვითელი ბარათი მიიღო. 21 წლის ფეხბურთელი თავისი გუნდიდან კვლავ ერთ-ერთი საუკეთესო იყო.
რაფინია ალკანტარა
სელტა
იმავე შეხვედრაში მონაწილეობა მიიღო "სელტაში" განათხოვრებულმა რაფინია ალკანტარამ. ბრაზილიელი შემტევი ნახევარმცველი სასტარტო შემადგენლობაში იყო და მან მოედანი 63-ე წუთზე დატოვა.
ფილიპე კოუტინიო
ბაიერნი
ზედიზედ მესამედ, "ბაიერნის" სასტარტო შემადგენლობაში მოხვდა ფილიპე კოუტინიო. 27 წლის ბრაზილიელმა, "აუგსბურგან" მოგებულ შეხვედრაში (2-0), მოედანი 85-ე წუთზე დატოვა, როდესაც ანგარიში 1-0 იყო.
ჟან-კლერ ტოდიბო
შალკე
ბრწყინვალე შეხვედრა ჩაატარა ბუნდესლიგაში განათხოვრებულმა კიდევ ერთმა ფეხბურთელმა, ჟან-კლერ ტოდიბომ. 20 წლის ფრანგმა ცენტრალურმა მცველმა, "ჰოფენჰაიმთან" მატჩში (1-1), თავი 5 წარმატებული ვარდნითა და ბურთის 9 მოგერიებით გამოიჩინა. ორივე ეს მაჩვენებელი თამაშში საუკეთესო იყო. ტოდიბოს პასების 91.5% ზუსტი გამოდგა, რაც გუნდში საუკეთესო, ხოლო თამაშში მე-2 საუკეთესო შედეგი გამოდგა.
ხუან მირანდა
შალკე
"შალკეში" განათხოვრებულმა კიდევ ერთმა ახალგაზრდა მცველმა, ხუან მირანდამ, "ჰოფენჰაიმთან" შეხვედრა ტრავმის გამო გამოტოვა.
მუსა ვაგე
ნიცა
თავი გამოიჩინა "ბარსელონადან" "ნიცაში" განათხოვრებულმა ახალგაზრდა მარჯვენა მცველმა, მუსა ვაგემ. ევროტურნირების საგზურისთვის ბრძოლაში უშუალო კონკურენტთან, "მონაკოსთან" გამართული შეხვედრის 93-ე წუთზე, ანგარიში 1-1 იყო. მე-3 დამატებულ წუთზე კი, 21 წლის სენეგალელმა მარჯვენაფლანგელმა კასპერ დოლბერგს საგოლედ უპასა და "ნიცამ" მნიშვნელოვანი შეხვედრა მოიგო.
ორიოლ ბუსკეტსი
ტვენტე
ჰოლანდიის ჩემპიონატში მორიგი შეხვედრა ჩაატარა ორიოლ ბუსკეტსმა. 21 წლის საყრდენი ნახევარმცველი, "ვიტესთან" წაგებულ შეხვედრაში (0-1), მოედანზე პირველი 78 წუთის განმავლობაში იმყოფებოდა.
კარლეს ალენია
ბეტისი
"რეალის" დამარცხებაში და "ბარსელონას" გალიდერებაში კარლეს ალენიას მონაწილეობა არ მიუღია. ახალგაზრდა ნახევარმცველი, მადრიდელებთან მოგებულ შეხვედრაში (2-1) სათადარიგო იყო.
ამ სიახლეზე კომენტარები გათიშულია.
კომენტარები [ 10 ]