ანდუხარ ოლივერი: კიდევ ერთი უნებლიე პენალტი
"სოსიედადთან" შეხვედრის 81-ე წუთზე "ბარსელონას" სასარგებლოდ საკამათო პენალტი დაინიშნა. საჯარიმოში მყოფ "სოსიედადის" ფეხბურთელ რობინ ლე ნორმანს ბურთი ხელზე მოხვდა. მატჩის მთავარი მსაჯი ხუან მარტინეს მუნუერა გადაწყვეტილების მიღებამდე ვიდეორეფერის ოთახში მყოფ მსაჯებს გაესაუბრა, შემდეგ თავად შეამოწმა მომენტი მონიტორზე და საბოლოო გადაწყვეტილება მიიღო. ლიონელ მესის მიერ ზუსტად შესრულებული 11-მეტრიანი "ბარსელონასთვის" ერთადერთი გოლი აღმოჩნდა. კატალონიელებმა 1:0 იმარჯვეს.
საკამათო პენალტს გამოეხმაურა Marca-ს სპეციალურად მოწვეული მსაჯი ანდუხარ ოლივერი. მისი აზრით, პენალტის დანიშვნა არასამართლიანი გადაწყვეტილება იყო.
"ამის ხილვა მხოლოდ ესპანეთის ჩემპიონატში შეგვიძლია. აქ არ იყო ხელის ჩავლება ან სხვა აშკარა ქმედება. პენალტი არ უნდა დანიშნულიყო. ფეხბურთელი ვერ ხედავდა მომენტს და არ იცოდა ბურთის მოძრაობის ტრაექტორია." - ციტირებს ოლივერის სიტყვებს Marca.
ამ სიახლეზე კომენტარები გათიშულია.
კომენტარები [ 8 ]