მესი და სუარესი ევროპაში ყველაზე შედეგიანი ფეხბურთელები არიან
"ბარსელონას" სამხრეთ ამერიკელი ვარსკვლავები, ლიონელ მესი და ლუის სუარესი ევროპის წამყვან 5 ჩემპიონატში მოთამაშე ის ფეხბურთელები არიან, რომლებსაც, კარიერის განმავლობაში, აქტიური მონაწილეობა (გოლი ან საგოლე პასი) უფრო მეტ გოლში მიუღიათ, ვიდრე თამაში ჩაუტარებიათ. არგენტინელისა და ურუგვაელის გარდა ასეთი მაჩვენებელი არავის აქვს.
პირველ ადგილზე მესია. მას, კარიერის განმავლობაში, 852 თამაში აქვს ჩატარებული. ლეოს ანგარიშზე 692 გოლი და 289 ასისტია, სულ 981. გამოდის, რომ მესი, თამაშში, საშუალოდ, 1.15 გოლს ქმნის.
ლუის სუარესს, 709 თამაშში, 458 გოლი და 260 ასისტი დაუგროვდა. სულ 718, ანუ, თამაშში, საშალოდ, 1.01.
"ბარსელონურ" დუეტს კრიშტიანუ რონალდუ მოსდევს. კარიერის განმავლობაში ჩატარებულ 997 შეხვედრაში პორტუგალიელს 724 გოლი და 220 ასისტი (სულ 944) დაუგროვდა, რაც, საშუალოდ, თამაშში შექმნილ 0.95 გოლს უდრის.
ამ სიახლეზე კომენტარები გათიშულია.
კომენტარები [ 4 ]