"ბარსელონა" ლაუტაროს ტრანსფერში კოუტინიოს ჩართვას შეეცდება
მიმდინარე წლის ზაფხულში "ბარსელონას" რამდენიმე სატრანსფერო მიზანი აქვს შესასრულებელი, მათგან პრიორიტეტული კი ლაუტარო მარტინესის ყიდვა და ფილიპე კოუტინიოს გაყიდვაა. იტალიური Tuttosport-ის ცნობით, კატალონიელები შეეცდებიან ეს მიზნები გააერთიანონ.
ცნობილია, რომ "ინტერის" 22 წლის არგენტინელი თავდამსხმელის გამოსასყიდი თანხა, ივლისში, 111 მილიონი ევრო იქნება. ტურინული მედიის ცნობით, "ბარსელონას" ამ თანხის გადახდა არ სურს და კატალონიელები მზად არიან ტრანსფერში კოუტინიო ჩართონ. ამ შემთხვევაში, ლაუტარო მარტინესის ღირებულება დაახლოებით 150 მილიონ ევრომდე გაიზრდება.
ფილიპე კოუტინიო "ბაიერნში" იჯარის წესით თამაშობს. მიუნხენელებს მისი 120 მილიონ ევროდ გამოსყიდვის უფლება აქვთ, მაგრამ დიდი ალბათობით, "რეკორდმაისტერი" ამ უფლებას არ გამოიყენებს.
კოუტინიოს "ინტერში" აქამდეც უთამაშია, მაგრამ წარუმატებლად. ის "ნერაძურის" საკუთრება 2008-2013 წლებში იყო, მაგრამ მილანელთა მაისურით მხოლოდ 47 თამაში ჩაატარა. 2013 წელს ბრაზილიელი "ლივერპულში" გადავიდა, სადაც გაიბრწყინა.
ამ სიახლეზე კომენტარები გათიშულია.
კომენტარები [ 12 ]