ESPN: "ბარსელონას" მხოლოდ 12 მილიონი აქვს
გუშინ ოფიციალურად დადასტურდა, რომ უსმან დემბელე თამაშს მომდევნო 6 თვის განმავლობაში ვერ შეძლებს. უახლოეს მომავალში, ამ ინფორმაციას ესპანეთის ფეხბურთის ფედერაციაც დაადასტურებს, რის შემდეგაც, "ბარსელონას" ახალი ფეხბურთელის დამატების უფლებას მისცემს.
ბოლო დროს, "ბლაუგრანას" არაერთი თავდამსხმელი დაუკავშირეს. ESPN-ის ცნობით, კატალონიელებმა 4 ვარიანტი განიხილეს: ვილიან ჟოზე (სოსიედადი), ლუკას პერესი (ალავესი), ლორენ მორონი (ბეტისი), ანხელ როდრიგესი (ხეტაფე).
იმავე წყაროს ცნობით, "ბარსას", თავდამსხმელის შესაძენად, მხოლოდ 12 მილიონი ევრო აქვს. სწორედ ამ მიზეზით, ვილიან ჟოზე და ლუკას პერესი გამოირიცხა, ხოლო ლორენ მორონზე უარი კიკე სეტიენმა თქვა.
დარჩა ანხელ როდრიგესი, რომლის გამოსასყიდი თანხაც, გავრცელებული ინფორმაციით, 10 მილიონი ევროა. ანხელმა, მიმდინარე სეზონში ჩატარებულ 28 თამაშში, 13 გოლი გაიტანა.
ამ სიახლეზე კომენტარები გათიშულია.
კომენტარები [ 11 ]