რონალდო: "ბარსელონაში" დარჩენა მინდოდა
ფეხბურთის ბრაზილიელი ლეგენდა რონლადო "ბარსელონადან" მის წასვლას იხსენებს და აცხადებს, რომ ეს მისი სურვილის საწინააღმდეგოდ მოხდა.
რონალდო "ბარსელონაში" 1996 წელს, პსვ-დან გადავიდა და სადებიუტო სეზონში, 49 თამაშში, 47 გოლი გაიტანა, რის შემდეგაც მილანის "ინტერს" მიაშურა.
"სეზონის ბოლოს ახალ კონტრაქტს ხელი მოვაწერე და ბრაზილიის ნაკრებში სათამაშოდ წავედი.
5 დღის შემდეგ დამირეკეს და მითხრეს, რომ ახალი კონტრაქტის პირობებში გუნდში ყოფნას ვერ გავაგრძელებდი.
ეს საკითხი ჩემი გადასაწყვეტი არასდროს ყოფილა. მე დარჩენა მინდოდა.
თუ კლუბი ისე არ მაფასებს, როგორც მიმაჩნია, რომ ვიმსახურებ, მაშინ გადაწყვეტილება ჩემი მისაღები აღარაა. დარჩენა მინდოდა, მაგრამ ეს ჩემი გადასაწყვეტი არ იყო." - ციტირებს რონალდოს სიტყვებს DAZN Italia.
2018 წელს, რონალდოს ტრანსფერზე "ბარსელონას" მაშინდელმა ვიცე-პრეზიდენტმა, ჟოან გასპარმა ისაუბრა: "აცრემლებულმა რონალდომ ბოდიში მომიხადა და მითხრა, რომ მის აგენტს გაცილებით უკეთესი შეთავაზება ჰქონდა და ყველასთვის უკეთესი იქნებოდა, თუ სხვა გუნდში გადავიდოდა და მეტ ფულს იშოვიდა."
ამ სიახლეზე კომენტარები გათიშულია.
კომენტარები [ 7 ]