სერხიო ბუსკეტსი: ყველაფერი იღბალმა გადაწყვიტა
"ბილბაოსთან" მატჩის შემდეგ (1:0), "ბარსელონას" ნახევარმცველმა, სერხიო ბუსკეტსმა კომენტარი გააკეთა.
"ყველაფერი იღბალმა გადაწყვიტა. ეს ფეხბურთია. ერთი ჩაწოდება და ბურთი ბადეშია. თამაშს ვაკონტროლებდით, ვიცოდით, თავი როგორ დაგვეცვა, თუმცა ერთი პატარა დეტალი და ტურნირს ეთიშები."
"გუნდმა კარგად ითამაშა და ნახევარფინალში გასვლას ვიმსახურებდით, მაგრამ ეს სამეფო თასის ახალი ფორმატია. ერთმა მომენტმა, შესაძლოა, ყველაფერი გადაწყვიტოს."
"აბიდალისა და მესის კონფლიქტი? ჩვენი მხოლოდ ფეხბურთზე ვართ კონცენტრირებულნი."
"კვირას, ლა ლიგის მატჩი მოვიგეთ, მაგრამ დღეს გამარჯვების მოპოვება ვერ მოვახერხეთ. ყველასთვის სევდიანი დღეა. ტურნირიდან გამოვარდნა არ გვინდოდა. ახლა, დარჩენილი ორი ტიტულისთვის უნდა ვიბრძოლოთ. ყველანი გაბრაზებულები ვართ. ჩვენ კარგად ვითამაშეთ." - ციტირებს სერხიო ბუსკეტსის სიტყვებს Sport.
ამ სიახლეზე კომენტარები გათიშულია.
კომენტარები [ 8 ]