იურგენ კლოპი: თუ მესი ან რონალდუ არ ხარ, თავი უნდა დაცივა
"ლივერპულის" მთავარი მწვრთნელი იურგენ კლოპი მიიჩნევს, რომ თავდამსხმელებმა დაცვითი ფუნქციების შესრულებაზე უარი არ უნდა თქვან. გამონაკლისი მხოლოდ ორია - ლეო მესი და კრიშტიანუ რონალდუ.
"ფეხბურთელმა გუნდის მიმართ პატივისცემა უნდა გამოხატოს. თუ დავინახავ, რომ შენ თავი გუნდზე მნიშვნელოვანი გგონია, ეს პრობლემაა.
ფეხბურთისთვის მნიშვნელოვანია, რომ მოთამაშემ, მოედანზე, საკუთარი თავი გამოავლინოს. ზოგჯერ, ეგოისტობაც შეიძლება, პრობლემა არაა. განსაკუთრებით ეს თავდამსხმელებს ეხებათ - სცადე და გოლი გაიტანე. ეს ძალიან კარგია, მაგრამ თუ იფიქრებ, რომ გუნდზე მნიშვნელოვანი ხარ, ესე იგი, სიტუაცია არასწორად გესმის.
არსებობს რაღაცები, რაც ჩვენს გუნდში ყველამ იცის. ამაზე ბევრი გვისაუბრია და ყველაფერი ნათელია. თუ შენ მესი ან რონალდუ არ ხარ, თავი უნდა დაიცვა. ხარ კრიშტიანუ ან მესი? არა? მაშინ დაცვას დაეხმარე!" - ციტირებს კლოპის სიტყვებს beIN Sports.
რას მიაღწია კლოპმა ამ მიდგომით? ზედიზედ 2 ჩემპიონთა ლიგის ფინალი, აქედან ერთის მოგება და მსოფლიოს ერთ-ერთ უძლიერეს ჩემპიონატში 13-ქულიანი ლიდერობა.
ამ სიახლეზე კომენტარები გათიშულია.
კომენტარები [ 20 ]