"ბარსელონა" არც ამ კვირაში დაისვენებს
არცერთი დღე დასვენებისთვის! კიკე სეტიენი ინტენსიურ ვარჯიშებს განაგრძობს და გუნდს ამოსუნთქვის საშუალებას მიმდინარე კვირაშიც არ აძლევს.
კიკე სეტიენმა "ბარსელონა" 13 იანვარს ჩაიბარა. მისი პირველი გადაწყვეტილება ერნესტო ვალვერდეს მიერ ფეხბურთელებისთვის 15 იანვარს მიცემული დასვენების დღის გაუქმება იყო. მას შემდეგ, "ბლაუგრანას" ჯერ არ დაუსვენია და განტვირთვის დღე ჰორიზონტზეც კი არ მოსჩანს.
As-ის ცნობით, მომდევნო დღეებში "ბარსელონას" განარიგი ასეთი იქნება:
- სამშაბათი, 21 იანვარი - საღამოს ვარჯიში
- ოთხშაბათი, 22 იანვარი - თამაში "იბიცასთან"
- ხუთშაბათი, 23 იანვარი - დილის ვარჯიში
- პარასკევი, 24 იანვარი - საღამოს ვარჯიში
- შაბათი, 25 იანვარი - დილის ვარჯიში, თამაში "ვალენსიასთან"
- კვირა, 26 იანვარი - დილის ვარჯიში
- ორშაბათი, 27 იანვარი - დილის ვარჯიში
განრიგში ერთი საინტერესო რამ ჩანს - შაბათს, 25 იანვარს, "ბარსელონა" ვალენსიაში ადგილობრივი დროით 16:00 საათზე ითამაშებს, მაგრამ კატალონიელები დილით მაინც ივარჯიშებენ და ვალენსიასკენ გეზს ამის შემდეგ აიღებდნენ. შეგახსენებთ, რომ გასვლით მატჩებზე თამაშის დღეს გამგზავრება პეპ გვარდიოლას იდეა იყო, მისი წასვლის შემდეგ კი "ბარსელონა", სხვა გუნდების მსგავსად, გასვლითი თამაშების ჩასატარებლად წინა დღეს მიემგზავრებოდა ხოლმე.
ამ სიახლეზე კომენტარები გათიშულია.
კომენტარები [ 19 ]