პაბლო საბალეტა: მესის ჭამისთანავე ეძინებოდა
არგენტინელი ფეხბურთელი პაბლო საბალეტა იმ დროს იხსენებს, როდესაც ის ბარსელონაში ჩავიდა და თავისუფალ დროს ლეო მესისთან ერთად ატარებდა.
"2005 წელს, "ესპანიოლში" გადავედი და მე და მესის ერთ ქალაქში ცხოვრება გვიწევდა. ბევრი თავისუფალი დრო გვქონდა და საჭმელად ერთად ხშირად დავდიოდით. ლეო როგორც კი შეჭამდა, მაშინვე ეძინებოდა.
მესიმ სახლი ბარსელონასთან ახლოს, კასტელდეფელსში იყიდა, მაგრამ მას ბინა ქალაქის ცენტრშიც ჰქონდა. სადილის შემდეგ, მანქანაში ჩავსხედით და ლეომ ჩაძინება დაიწყო მე მას ვუთხარი: "სანამ დაიძინებ, მითხარი, სად მიგიყვანო?" "ჩემს სახლში, კასტელ დე ფელსში" - მიპასუხა მან და დაიძინა.
როდესაც მივედით, გავაღვიძე და მეუბნება: "აქ არა! მე გითხარი მეორე სახლში მიგეყვანე!" მე კი ვუპასუხე: "არა, არა, არ მაინტერესებს. დაძინება აქაც შეგიძლია. ასე ვერ მომექცევი." რა თქმა უნდა, ბოლოს მაინც მეორე სახლში მივიყვანე. მანქანაში ხომ 80-მილიონიანი ნიჭი მეჯდა." - განაცხადა საბალეტამ Daily Mail-ისთვის მიცემულ ინტერვიუში.
ამ სიახლეზე კომენტარები გათიშულია.
კომენტარები [ 6 ]