როგორია მესისა და რონალდუს ცხოვრების წესი
ხშირად გაგვიგია მოსაზრება, რომ რასაც მესიმ და რონალდუმ კარიერის განმავლობაში მიაღწიეს, ეს არგენტინელის შემთხვევაში ნიჭის, ხოლო პორტუგალიელის შემთხვევაში ფიზიკურად ვარჯიშის დამსახურებაა. თუმცა, თუ კარგად დავუკვირდებით, თუ რამდენად დაუჯერებელი შედეგები აქვთ ამ ფეხბურთელებს, მივხვდებით, რომ მხოლოდ ზემოთ ნახსენები 2 მიზეზი საკმარისი ვერ იქნება.
Tribuna გვთავაზობს ინფორმაციას იმის შესახებ, თუ როგორ ატარებენ მოედანს მიღმა დროს თანამედროვეობის უმთავრესი საფეხბურთო ვარსკვლავები.
ლიონელ მესი
როდესაც მესის ცხოვრების წესზე ვსაუბრობთ, აუცილებლად უნდა ვახსენოთ, რომ 2014 წელს ის მნიშვნელოვნად შეიცვალა. კონკრეტულად:
- მესიმ უარი თქვა პიცასა და შოკოლადზე, რაც მის შემთხვევაში საკმაოდ რთული იყო;
- მისი რაციონის 5 ძირითად შემადგენლად იქცა: წყალი, ზეითუნის ზეთი, მარცვლეული, ახალი ხილი და ახალი ბოსტნეული;
- რაციონს დაემატა თხილი და მოაკლდა შაქარი.
დღეს, მესის ერთი ჩვეულებრივი დღე ასეთია:
- გაღვიძება, ბავშვების სკოლაში წაყვანა, ვარჯიში, დასვენება, მე-2 ვარჯიში, ბავშვების სკოლიდან გამოყვანა, ვახშამი, დაძინება;
- თუ გუნდს დღეში ერთი ვარჯიში აქვს, მესი სახლში წასვლას და ბავშვების სკოლიდან გამოყვანამდე წათვლემას ამჯობინებს;
- ცოტა ხნის წინ მესიმ განაცხადა, რომ მას ტელევიზორის ყურების დროს ეძინება, რადგან ხმაური ადუნებს.
რა თქმა უნდა, არგენტინელი ინდივიდუალურადაც ვარჯიშობს. ის, ძირითადად, სისწრაფის მომატებაზეა კონცენტრირებული. ლეო აკეთებს ე.წ. "პლანკასა" და გაწელვებს, ავარჯიშებს ფილტვებს.
კრიშტიანუ რონალდუ
კრიშტიანუ რონალდუ განსხვავებული რეჟიმით ცხოვრობს. მას დღე-ღამეში 8 საათი სძინავს, გარდა ამისა, დღის განმავლობაში რამდენჯერმე წათვლებს (მაქსიმუმ 5-ჯერ). სავარჯიშო დარბაზში ის დიდ დატვირთვებს არ ერიდება, ასევე ცურავს და დაკავებულია პილატესით.
პორტუგალიელი დღეში 6-ჯერ იკვებება. მის რაციონს, ძირითადად, თევზი და ქათამი შეადგენს:
- საუზმე - ლორი და ყველი დაბალცხიმიან იოგურტთან ერთად;
- სასუსნავი - ავოკადოს ტოსტი;
- პირველი ლანჩი - ქათამი და სალათი;
- მეორე ლანჩი - თევზი სალათთან ერთდ, კვერცხი და ზეთისხილი;
- სადილი - ხორცი და თევზი.
თუ თქვენ აპირებთ, უახლოესი 10-15 წლის განმავლობაში მსოფლიოს საუკეთესო ფეხბურთელი იყოთ, უკვე იცით, როგორ უნდა იცხოვროთ.
ამ სიახლეზე კომენტარები გათიშულია.
კომენტარები [ 18 ]