დე იონგის უცნაური პოსტი: ვარჯიშის რეჟიმს ვუბრუნდები
გუშინ, "ბარსელონას" ფეხბურთელებმა, 3-დღიანი დასვენების შემდეგ, ვარჯიში განაახლეს.
საღამოს, კატალონიელთა ჰოლანდიელმა ნახევარმცველმა, ფრენკი დე იონგმა Facebook-სა და Twitter-ზე, გამოაქვეყნა ვარჯიშის სურათი წარწერით: "ვარჯიშის რეჟიმს ვუბრუნდები."
ამ დროს, ერნესტო ვალვერდეს გათავისუფლებისა და მის ნაცვლად კიკე სეტიენის დანიშვნა ახალი გაოფიციალურებული იყო და ბევრმა ჩათვალა, რომ 22 წლის ფეხბურთელი ამ პოსტით სწორედ მწვრთნელის ცვლილებას გამოეხმაურა.
გავრცელებული ინფორმაციით, ერნესტო ვალვერდეს ფრენკი დე იონგის შეძენა არ უნდოდა და კლუბმა გადაწყვეტილება მისი სურვილის საწინააღმდეგოდ მიიღო. ცოტა ხნის წინ, "ესპანიოლთან" გამართული მატჩის შემდეგ, ვალვერდემ დე იონგი, წითელი ბარათის მიღების გამო, ღიად გააკრიტიკა და ქულების დაკარგვაში ის დაადანაშაულა.
თუმცა, ისიც უნდა აღინიშნოს, რომ ერნესტო ვალვერდე ყველაზე ხშირად სწორედ დე იონგს ათამაშებდა.
ამჟამად, ფრენკი დე იონგის პოსტები სოციალური ქსელებიდან წაშლილია.
ამ სიახლეზე კომენტარები გათიშულია.
კომენტარები [ 7 ]