"ბარსელონას" ოფიციალური განცხადება ვალვერდესთან დაკავშირებით

ერნესტო ვალვერდეს მთავარი მწვრთნელის პოსტიდან წასვლის "ორმხრივი" გადაწყვეტილების შესახებ, "ბარსელონამ" ოფიციალური განცხადება გამოაქვეყნა. 

"ორმხრივი შეთანხმების საფუძველზე, "ბარსელონამ" და ერნესტო ვალვერდემ კონტრაქტის გაწყვეტის გადაწყვეტილება მიიღეს. 

კლუბი საჯაროდ გამოხატავს მადლიერებას ერნესტო ვალვერდეს მიმართ, მისი პროფესიონალიზმის და თავდადებისთვის. მას წარმატებებს ვუსურვებთ. 

ერნესტო ვალვერდე "ბარსელონას" პირველი გუნდის მწვრთნელი 163 ოფიციალურ მატჩში იყო. მის ანგარიშზე 108 (66.25%) მოგება, 35 (21.47%) ფრე და 20 (12.26%) წაგებაა. ამ პერიოდში, კლუბმა ოთხი ტურნირი მოიგო - ესპანეთის ჩემპიონატი ორჯერ, კოპა დელ რეი და ესპანეთის სუპერ თასი. 

"ბარსელონას" მწვრთნელის რანგში მისი მოღვაწეობა 2017 წელს დაიწყო. დებიუტში ესპანეთის სუპერ თასზე მარცხის მიუხედავად, გუნდმა სეზონი დუბლით დაასრულა. 

მეორე სეზონში გუნდმა ჩემპიონობა ისევ იზეიმა, მაგრამ ჩემპიონთა ლიგის ნახევარფინალში და ესპანეთის თასის ფინალში წაგებით ყველას იმედი გაუცრუვდა. 

2019/20 წლების სეზონის პირველი ნახევარი "ბარსელონამ" ჩემპიონთა ლიგის მერვედფინალში განაღდებული ადგილით და ლა ლიგის ლიდერობით დაიწყო, გასულ კვირას კი სუპერ თასის ნახევარფინალში "ატლეტიკოსთან" გამოვარდა".