ლუის სუარესი: სავარაუდო ოპერაცია და 6 კვირა უქმობა

"ბარსელონას" ერთ-ერთ ლიდერს, ლუის სუარესს, მუხლის ტრავმის გამო, შესაძლოა, 6 კვირა გაუცდეს.

მადრიდული As-ის ცნობით, დიდი შანსია, 32 წლის ურუგვაელს, მუხლზე, რომლის ტრავმაც მას დიდი ხანია აწუხებს, ოპერაცია ჩაუტარდეს. ასეთ შემთხვევაში, ის დაახლოებით 6 კვირას გამოტოვებს და გუნდს ჩემპიონთა ლიგის 1/8-ფინალში, "ნაპოლისთან" გასამართი პირველი თამაშისთვის დაუბრუნდება.

თუ As-ის ინფორმაცია გამართლდა, სუარესი შემდეგ შეხვედრებს გამოტოვებს:

• ბარსელონა-გრანადა, 19 იანვარი
• ვალენსია-ბარსელონა, 25 იანვარი
• ბარსელონა-ლევანტე, 2 თებერვალი
• ბეტისი-ბარსელონა, 9 თებერვალი
• ბარსელონა-ხეტაფე, 16 თებერვალი
• ბარსელონა-ეიბარი, 23 თებერვალი

გარდა ამისა, სუარესი გამოტოვებს ესპანეთის თასის 1/16-ფინალს, 1/8-ფინალს, 1/4-ფინალსა და 1/2-ფინალის პირველ შეხვედრას.