"100 ასეთი თამაშიდან 99-ს გარანტირებულად მოვიგებდით"
მადრიდული As-ის მიერ გავრცელებული ინფორმაციის თანახმად, "ატლეტიკოსთან" ესპანეთის სუპერ თასზე წაგების (2-3) მიუხედავად, "ბარსელონას" ფეხბურთელები თამაშის ხარისხით კმაყოფილნი დარჩნენ.
წყაროს ცნობით, გუნდის ერთ-ერთმა ლიდერმა, მატჩის შემდეგ, გასახდელში, ასეთი რამ თქვა: "100 ასეთი თამაშიდან, 99-ს გარანტირებულად მოვიგებდით. "ატელტიკოსთან" ჩემი პირველი თამაშის შემდეგ, ასეთი უპირატესობა არ მიგრძვნია."
შესაძლოა, ამ ფრაზის ავტორი ჟერარ პიკე ან სერხიო ბუსკეტსი იყოს. ორივე ამ ფეხბურთელმა, "ბარსელონას" მაისურით "ატლეტიკოსთან" გამართული პირველი თამაში 6-1 მოიგო. თუმცა, ისიც უნდა აღინიშნოს, რომ მას შემდეგ, ამ ფეხბნურთელებმა, ისევე, როგორც ლეო მესიმ, მადრიდელებს მოუგეს ანგარიშებით 5-2, 3-0, 5-0 და 4-1.
იმავე წყაროს, As-ის ცნობით, ლიონელ მესიმ და ლუის სუარესმა, თამაშის შემდეგ, ერნესტო ვალვერდე შეაქეს. ორივე მათგანმა ჟურნალისტებთან განაცხადა კიდეც, რომ მარცხში დამნაშავე მწვრთნელი არაა.
ამ სიახლეზე კომენტარები გათიშულია.
კომენტარები [ 6 ]