"ბარსელონამ" უმტიტი, შესაძლოა, ამ თვეშივე გაყიდოს
"ბარსელონა" მზადაა გუნდის ცენტრალური მცველის, სამუელ უმტიტის ტრანსფერზე შეთავაზებები მიიღოს, იტყობინება Metro.
აღნიშნული წყაროს ინფორმაციით, ფრანგი ფეხბურთელით "არსენალი" და "მანჩესტერ იუნაიტედი" ინტერესდებიან. ინგლისელებს უკანა ხაზის გაძლიერება ესაჭიროებათ და მზად არიან 26 წლის მოთამაშე თავიანთ კლუბებში მიიწვიონ. თავად უმტიტიმ ადრე განაცხადა, რომ კარიერის დასრულებას "ბარსელონაში" ისურვებდა, თუმცა სათამაშო პრაქტიკის საჭიროებიდან გამომდინარე, მზადაა სხვა კლუბების წინადადებები მოისმინოს. ტრავმის გამო მან მიმდინარე სეზონში, ლა ლიგაში, მხოლოდ ოთხი მატჩი ჩაატარა.
სამუელ უმტიტის ამჟამინდელი კონტრაქტი "ბარსელონასთან" 2023 წლამდე მოქმედებს და კატალონიელები მზად არიან ის 20 მილიონ ევროდ გაყიდონ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 16 ]