"ბარსელონამ" სემედუს შემცვლელს გერმანიაში მიაგნო
"ლაიპციგის" 23 წლის უნივერსალი მცველი ლუკას კლოსტერმანი "ბარსელონას" ყურადღების ცენტრში მოექცა.
Sky Sports-ის მიერ გავრცელებული ინფორმაციით, კატალონიელებმა აპირებენ კლოსტერმანით შეცვალონ ნელსონ სემედუ, რომელიც, დიდი ალბათობით, გუნდს ზაფხულში დატოვებს.
ლუკას კლოსტერმანი ბუნდესლიგის ერთ-ერთი ყველაზე იმედისმომცემ მარჯვენა მცველად მიიჩნევა. გასულ სეზონში ჩატარებულ 40 მატჩში მან თავი 5 გოლითა და 3 შედეგიანი გადაცემით გამოიჩინა, მიმდინარე სეზონში კი, 12 შეხვედრაში, მან უკვე 2 შედეგიანი დარტყმისა და 3 ზუსტი გადაცემის გაკეთება მოასწრო.
კლოსტერმანს, "ლაიპციგში", მარცხენა მცველად და მარჯვენა ნახევარმცველადაც უთამაშია, მისი სიმაღლის წყალობით (1.89 მეტრი) კი, დაცვის ცენტრში თამაშიც შეუძლია.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 13 ]