3 მტკიცებულება იმისა, რომ ანსუ ფატი ისევ თავმდაბალი ბიჭია
2019 წელი ანსუ ფატის კარიერაში გარდამტეხი გამოდგა. ფეხბურთელი, რომელიც რამდენიმე თვის წინ "ბარსელონას" გულშემატკივრების მხოლოდ ნაწილმა იცოდა, დღეს მსოფლიო ფეხბურთის ერთ-ერთ მთავარ ამომავალ ვარსკვლავად ითვლება.
გასული 4 თვის განმავლობაში, 17 წლის ფეხბურთელის ფასი 200-ჯერ გაიზარდა. ამის მიუხედავად, ფატი ცდილობს ცხოვრების ძველი წესი შეინარჩუნოს.
მადრიდული Marca გვთავაზობს 3 მიზეზს, რომელთა გათვალისწინებითაც, შეგვიძლია ვივარაუდოთ, რომ სტატუსში სერიოზული ცვლილების მიუხედავად, ანსუ ფატი თავმდაბალ ბიჭად რჩება.
1. მეტრო
მსოფლიო ფეხბურთის ერთ-ერთი მთავარი ამომავალი ვარსკვლავი კვლავ საზოგადოებრივი ტრანსპორტით მგზავრობს.
2. 19-წლამდელთა გუნდი
ანსუ ფატი, 18-წლამდელთა გუნდიდან პირდაპირ პირველ გუნდში მოხვდა. მიმდინარე სეზონი მას 19-წლამდელთა გუნდსა და "ბარსა ბ"-ში უნდა ჩაეტარებინა. მიუხედავად იმისა, რომ მას ამის საშუალება არ ეძლევა, ფატი 18-წლამდელთა გუნდში ყოფილ თანაგუნდელებთან ურთიერთობას ინარჩუნებს. ის ხშირად დადის მათი თამაშების საყურებლად, სადილობს მათთან ერთად და საშობაო არდადეგებიც მათთან ერთად გაატარა.
3. სკოლა
მიუხედავად იმისა, რომ ანსუ ფატის, საფეხბურთო მოედანზე, დიდი წარმატებები ელის, ის განათლების მიღებას არ წყვეტს. გარდა იმისა, რომ 17 წლის ფატი სკოლაში სიარულს განაგრძობს, მან გადაწყვიტა ინგლისური და ფრანგული ენებიც შეისწავლოს.
ამ სიახლეზე კომენტარები გათიშულია.
კომენტარები [ 5 ]