"ბარსელონამ" სემედუს აცნობა, რომ მისი გაყიდვა სურს
სეზონის ბოლოს ნელსონ სემედუს "ბარსელონადან" წასვლა უფრო და უფრო რეალური ხდება.
გასულ ზაფხულში პორტუგალიელი მარჯვენა მცველის გაყიდვა არც კი განიხილებოდა, 6 თვეში კი სიტუაცია შეიცვალა. Sport-ის ცნობით, "ბარსელონაში" მიაჩნიათ, რომ დაცვის მარჯვენა ფლანგზე სერჟი რობერტო უკეთესია. გარდა ამისა, ამ პოზიციაზე ახალგაზრდა ფეხბურთელის დამატებაც იგეგმება.
კატალონიური წყაროს ცნობით, "ბარსელონას" სპორტული დირექტორი ერიკ აბიდალი სემედუს აგენტს, ჟორჟე მენდეშს დუბაიში შეხვდა და მას აცნობა, რომ ფეხბურთელის გაყიდვის ვარიანტი განიხილება.
იმავე წყაროს ინფორმაციით, ტრანსფერი სამივე მხარეს სურს. ნელსონ სემედუს ინტერესი მეტი სათამაშო დროის მიღებაა, ჟორჟე მენდეშის - ტრანფერიდან საკომისიოს მიღება, ხოლო "ბარსელონასი" - ფეხბურთელის სატრანფერო ღირებულება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 13 ]