COPE: "ბარსელონა" ვიდალს არ გაყიდის
კარლეს ალენიას 6-თვიანი იჯარა და არტურის ტრავმა ნიშნავს იმას, რომ "ბარსელონა" არტურო ვიდალს ზამთრის სატრანსფერო პერიოდში არსად გაუშვებს. ამ ინფორმაციას COPE-ზე დაყრდნობით კატალონიური Sport ავრცელებს.
ჩილელი ნახევარმცველის შეძენით ყველაზე მეტად დაინტერესებული მილანის "ინტერია". კლუბის ვიცე-პრეზიდენტმა, ხავიერ ძანეტიმ ახლახანს განაცხადა, რომ ვიდალი მათ გუნდს გააძლიერებდა.
წყაროს ცნობით, "ინტერისგან" "ბარსელონას" ოფიციალური შეთავაზება არ მიუღია, კატალონიური კლუბი კი ახლო მომავალში მიღებული შეთავაზებების განხილვას საერთოდ არ აპირებს.
განსხვავებული ინფორმაციები ვრცელდება იტალიაში - ადგილობრივი პრესა გვარწმუნებს, რომ "ნერაძურისა" და სამხრეთ ამერიკელ ფეხბურთელს შეთანხმება უკვე მიღწეული აქვთ და "ბარსელონასთან" მოლაპარაკების პირველი ნაბიჯი უკვე გადადგმულია.
ამ სიახლეზე კომენტარები გათიშულია.
კომენტარები [ 7 ]