"ბარსელონა ბ"-ს მწვრთნელი: ალენიას "კამპ ნოუზე" დიდი ხნით დარჩენა უწერია
"ბარსელონა ბ"-ს მთავარმა მწვრთნელმა, გარსია პიმიენტამ მუსა ვაგესა და დღეს "ბეტისში" განათხოვრებულ კარლეს ალენიაზე ისაუბრა.
"როცა პირველ გუნდში გაწინაურებენ თვალს რეალობას უსწორებ - "ბარსელონაში" თამაში ადვილი არ არის. მათ მოთმინება უნდა იქონიონ, მუშაობა განაგრძონ და თავიანთი შანსები გამოიყენონ."
"ალენიასთვის იჯარით წასვლა კარგი იქნება? არ ვიცი, მასთან არ მისაუბრია, თუმცა მახსოვს ჩავი, ინიესტა, სერჟი რობერტო... სანამ ისინი გუნდის მნიშვნელოვანი ფეხბურთელები გახდებოდნენ, ბევრი რამ გამოიარეს. კარლესს "კამპ ნოუზე" დიდი ხნით დარჩენა უწერია." - ციტირებს გარსია პიმიენტას სიტყვებს Sport.
დღეს ცნობილი გახდა, რომ ალენია, სეზონის ბოლომდე, "ბეტისში" ითამაშებს. სევილიელებს ფეხბურთელის გამოსყიდვის უფლება არ აქვთ, ეს კი იმას ნიშნავს, რომ ის გუნდს ზაფხულში დაუბრუნდება.
ამ სიახლეზე კომენტარები გათიშულია.
კომენტარები [ 9 ]