არტურო ვიდალს სამხრეთ ამერიკაში იწვევენ
"ბარსელონას" ჩილელი ნახევარმცველის, არტურო ვიდალის სამსახურით კიდევ ერთი კლუბი დაინტერესდა, ამჯერად არაევროპული.
Mundo Deportivo-ს ცნობით, 32 წლის ჩილელის დამატების სურვილს არგენტინული "ბოკა ხუნიორსი" გამოთქვამს.
ბუნებრივია, "ბოკა" ვიდალს იმ ხელფასს ვერ შესთავაზებს, რაც ფეხბურთელს ევროპაში აქვს. თუმცა, არგენტინელები აპირებენ ჩილელი გუნდში წამყვანი როლის შეთავაზებით მოხიბლონ.
რამდენიმე წლის წინ, არტურო ვიდალმა "ბოკა ხუნიორსის" მიმართ თავისი სიმპათია ღიად დააფიქსირა: "ბოკა ხუნიორსში" თამაშს ვისურვებდი, რადგან ამ გუნდის მაისურით მოედანზე გასვლა ახალი სამყაროს დაბადებას ჰგავს. ეს სამხრეთ ამერიკაში ერთ-ერთი უმნიშვნელოვანესი კლუბია და აქ თამაშს ყველა ფეხბურთელი ისურვებდა."
გავრცელებული ინფორმაციით, ვიდალის დამატების სურვილს "იუვენტუსი" და "ინტერი" გამოთქვამენ. მილანელები მზად არიან 12 მილიონი ევრო გადაიხადონ, მაგრამ "ბარსელონა" 25 მილიონს ითხოვს.
ამ სიახლეზე კომენტარები გათიშულია.
კომენტარები [ 6 ]