"ბარსელონამ", შესაძლოა, "ჩელსის" ყოფილი ფეხბურთელი დაიმატოს
ჩემპიონთა ლიგის ეგიდით, "ბარსელონა" ამ კვირაში იტალიაში იმყოფებოდა. კლუბის ხელმძღვანელებმა შემთხვევით ისარგებლეს და პარტნიორი კლუბის, "სასუოლოს" წარმომადგენლებთან შეხვედრა გამართეს. ამ ინფორმაციას Sport ავრცელებს.
საუბარი ტრანსფერებს ეხებოდა. ჯანლუკა დი მარციოს ცნობით, გაიჟღერა ჟერემი ბოგას სახელმა - კოტ-დივუარელი ნახევარმცველი იტალიური კლუბის ერთ-ერთი გამორჩეული მოთამაშეა.
ბოგა 2015-18 წლებში "ჩელსიში" ირიცხებოდა, მაგრამ თავის დამკვიდრება ვერ მოახერხა. ჟერემი 22 წლისაა და თუ მისი "სასუოლოდან" წასვლა გადაწყდება, იტალიელები ფეხბურთელს "ბარსას" დაუთმობენ.
შეღავათები მხოლოდ ბოგაზე არ ვრცელდება - "ბარსელონას" "სასუოლოს" სხვა ნებისმიერი ფეხბურთელის შეძენის სურვილის შემთხვევაში სხვა მსურველებთან უპირატესობა ექნება.
სანაცვლოდ, "ბარსას" აკადემიის ფეხბურთელები სათამაშო პრაქტიკას სერია ა-ში მიიღებენ.
ამ სიახლეზე კომენტარები გათიშულია.
კომენტარები [ 2 ]