ზიდანმა მესის შეჩერებაზე ფიქრი დაიწყო
სეზონის სტარტზე რამდენიმე თამაშის ტრავმის გამო გამოტოვების შემდეგ, ლეო მესიმ ჩვეული ფორმა დაიბრუნა. ლა ლიგის ბოლო ორ თამაშში, არგენტინელმა 4 გოლი გაიტანა და გუნდს 4 ქულა მოუტანა.
"ელ კლასიკომდე" მხოლოდ 9 დღეა დარჩენილი და Sport-ის ცნობით, ზინედინ ზიდანმა მესის განეიტრალებაზე ფიქრი უკვე დაიწყო. კატალონიური წყაროს ცნობით, ფრანგი სპეციალისტი ხვდება, რომ მისი გუნდი მთავარი თავსატკივარი სწორედ მსოფლიოს საუკეთესო ფეხბურთელი იქნება.
გავრცელებული ცნობებით, ზიდანი მესის შეჩერების რამდენიმე ვარიანტს განიხილავს. ერთ-ერთი მათგანია ლეოსთვის პერსონალური მეურვის მიჩენა. ასეთ შემთხვევაში, კანდიდატი ორიაა - ფედე ვალვერდე და კაზემირო. თუმცა, ამ უკანასკნელის "კლასიკოში" თამაში ბოლომდე გადაწყვეტილი ჯერ კიდევ არაა.
კიდევ ერთი ვარიანტია მესის არა ერთი ფეხბურთელისთვის, არამედ დაცვის ცენტრისთვის ჩაბარება, როგორც ეს წინა შემთხვევებში ხდებოდა ხოლმე. ასეთ შემთხვევაში, არგენტინელის მოძრაობებისთვის თვალის დევნება რაფაელ ვარანსა და სერხიო რამოსს მოუწევთ.
"სტატისტიკა" აჩვენებს, რომ "რეალს" მესის შეჩერება ძალიან უჭირს. ჩატარებულ 41 "კლასიკოში" არგენტინელმა 26 გოლის გატანა მოახერხა.
ამ სიახლეზე კომენტარები გათიშულია.
კომენტარები [ 11 ]