მესი "ოქროს ბუცისთვის" ბრძოლას უბრუნდება
ცოტა ხნის წინ, ლეო მესის მიერ "ოქროს ბუცის" კიდევ ერთხელ მოგება ძალიან რთულ პერსპექტივად მოჩანდა, მაგრამ როდესაც საქმე მსოფლიოს საუკეთესო ფეხბურთელს ეხება...
მიმდინარე ტური მესისთვის ძალიან წარმატებული გამოდგა. "მალიორკათან" მატჩში (5-2) მან თავი ჰეთ თრიქით გამოიჩინა, კონკურენტები კი უგოლოდ დარჩნენ.
"ოქროს ბუცისთვის" ბრძოლაში პირველ ადგილზე მყოფმა ჩირო იმობილემ, "იუვენტუსთან" მოგებულ შეხვედრაში (3-1) თავი მხოლოდ გაფუჭებული თერთმეტმეტრიანით გამოიჩინა. მე-2 ადგილზე მყოფი რობერტ ლევანდოვსკის "ბაიერნი" "გლადბახთან" სტუმრად დამარცხდა (1-2), პოლონელმა კი გოლი ვერ გაიტანა.
შედეგად, იმობილეს, სერია A-ში, 17 გოლი დარჩა, ხოლო ლევანდოვსკის, ბუნდესლიგაში, 16. რაც შეეხება მესის, მის აქტივში 10 თამაშში უკვე 12 გოლია და ის პირველ ადგილს მხოლოდ 5 ზუსტი დარტყმით ჩამორჩება, წინ კი კიდევ 23 თამაშია.
შეგახსენებთ, რომ ლეო მესი "ოქროს ბუცის" ბოლო 3 სეზონის გამარჯვებულია.
ამ სიახლეზე კომენტარები გათიშულია.
კომენტარები [ 21 ]