"ბარსელონა" ერლინგ ჰოლანდზე უარს ამბობს
"ზალცბურგის" 19 წლის თავდამსხმელი ერლინგ ჰოლანდი, მომდევნო ზაფხულში, ევროპული გრანდების ერთ-ერთ მთავარი სამიზნე იქნება. პარალელურად, "ბარსელონა" პრიორიტეტი შეტევის ხაზის ახალგაზრდა ფეხბურთელით გაძლიერება იქნება. თუმცა, კატალონიური კლუბი ნორვეგიელის დამატებას არ შეეცდება.
ადრე არსებული ცნობებით, ჰოლანდის მსურველ კლუბებს შორის "ბარსელონაც" მოიაზრებოდა. თუმცა, თუ Mundo Deportivo-ს დავუჯერებთ, "ბლაუგრანამ" 19 წლის ფეხბურთელი დაიწუნა. ამის მიზეზი ისაა, რომ ჰოლანდი კატალონიური კლუბის სათამაშო სტილში ვერ ჯდება.
ესპანური გამოცემის ცნობით, ზაფხულის სატრანსფერო ფანჯრის დროს, "ბარსელონას" მთავარი სამიზნე "ინტერის" 22 წლის თავდამსხმელი ლაუტარო მარტინესი იქნება.
ერლინგ ჰალანდმა, მიმდინარე სეზონში ჩატარებულ 24 თამაშში, უკვე 28 გოლი გაიტანა. აქედან 8 გოლი ჩემპიონთა ლიგაზე გამართულ 5 შეხვედრაზე მოდის. რაც შეეხება მარტინესს, მან 19 მატჩში თავი 13-ჯერ გამოიჩინა, ხოლო ჩემპიონთა ლიგის 5 შეხვედრაში 5 გოლი გაიტანა.
ამ სიახლეზე კომენტარები გათიშულია.
კომენტარები [ 5 ]