მეგან რაპინო ლეო მესის: დამეხმარე!
მსოფლიოს საუკეთესო ქალი ფეხბურთელი მეგან რაპინო, France Football-ისთვის მიცემულ ინტერვიუში, საფეხბურთო ვარსკვლავებისგან, მათ შორის ლეო მესისგან, დახმარებას ითხოვს.
34 წლის ამერიკელს სურს, რომ ლეო მესიმ, კრიშტიანუ რონალდუმ და ზლატან იბრაჰიმოვიჩმა, მასთან ერთად, რასიზმისა და სექსიზმის წინააღმდეგ იბრძოლონ.
"მინდა ვიყვირო: "კრიშტიანუ, ლიონელ, ზლატან, დამეხმარეთ!" ეს ვარსკვალვები სათანადოდ არ არიან ჩართულები იმ პრობლემების მოგვარებაში, რომელიც ფეხბურთში არსებობს.
მათ ეშინიათ იმის, რომ ყველაფერს დაკარგავენ? ეს ასე არაა. ვინ წაშლის მესისა და რონალდუს ფეხბურთის ისტორიიდან რასიზმის, ან სექსიზმის წინააღმდეგ გაკეთებული განცხადებების გამო?"
მეგან რაპინომ, რომელმაც გასულ ზაფხულში ამერიკას მსოფლიო ჩემპიონატი მოაგებინა, ცოტა ხნის წინ განაცხადა, რომ "ბარსელონა", მისთვის, პირველი გუნდია.
ამ სიახლეზე კომენტარები გათიშულია.
კომენტარები [ 5 ]