როგორი იყო მესის რეაქცია, როდესაც უთხრეს, რომ "ოქროს ბურთი" მოიგო
France Football-ის (გამოცემა, რომელსაც "ოქროს ბურთი" ეკუთვნის) მთავარმა რედაქტორმა, პასკალ ფერემ "ბარსელონას" კაპიტნის, ლიონელ მესის ემოციები აღწერა, როდესაც მან არგენტინელს აცნობა, რომ "ოქროს ბურთი" მოიგო.
პასკალმა ლეოს 15 ნოემბერს დაურეკა, არგენტინისა და ბრაზილიის ამხანაგური მატჩის წინ.
"დიალოგი ძალიან ბუნებრივად წარიმართა. ლეოს ვუთხარი, რომ მინდოდა, მასთან "ოქროს ბურთზე" მესაუბრა, მან კი მიპასუხა: "ჭორები გავიგე." მე მივუგე: "ეს ჭორი არაა, ოფიციალურად გიცხადებ, რომ "ოქროს ბურთი" მოიგე."
"შემდეგ, მესიმ კითხვების დასმა დამიწყო: "მართლა? მართლა? მართლა?" მე მას ბევრჯერ გავუმეორე: "კი, კი, კი, შენ გამარჯვებული ხარ."
"მარტივი მისახვედრი იყო, რომ მას ეს ჯილდო უნდოდა. ის პატარა ბავშვივით იყო, რომელიც მიჩვეულია, რომ ყოველთვის, ერთსა და იმავე დროს, საჩუქარს აძლევენ, ხოლო ერთ დღესაც, როცა მან ეს საჩუქარი ვერ მიიღო, ნერვიულობა დაიწყო." - ციტირებს პასკალ ფერეს სიტყვებს Sport.
ამ სიახლეზე კომენტარები გათიშულია.
კომენტარები [ 5 ]