ემანუელ პეტი: "ბარსელონაში" რასიზმი გამოვცადე
ფრანგი ყოფილი ფეხბურთელი, ემანუელ პეტი, "ბარსელონაში" 2000-01 წლებში გამოდიოდა. ის კატალონიაში გატარებულ პერიოდს RMC Sport-თან ინტერვიუში უარყოფითად იხსენებს.
"შესაძლოა ეს დაუჯერებელია, მაგრამ მე რასიზმი გამოვცადე. ეს არაერთხელ მოხდა. ზოგი ფეხბურთელის შემთხვევაში, ამას ადგილი უფრო ხშირად ჰქონდა.
"ბარსელონაში" ცუდ დროს მივედი. გასახდელში კატალონიელ და ჰოლანდიელ ფეხბურთელებს შორის ომი იყო გაჩაღებული, მწვრთნელ ლორენცო სერა ფერერს კი სიტუაციის დალაგებისთვის საჭირო ძალა არ ჰქონდა.
ნაციონალიზმი რასიზმთან ახლოსაა. როცა მივედი, მითხრეს, რომ ესპანურის ნაცვლად კატალონიური მესწავლა. მე ვუთხარი, რომ ესპანეთში ვიყავი, მათ კი მიპასუხეს, რომ ეს კატალონია იყო.
ეს ყველაფერი ყელში ამომივიდა".
პეტიმ "ბარსას" მაისურით სულ 38 მატჩი ჩაატარა და ერთი გოლის გატანა მოახერხა.
ამ სიახლეზე კომენტარები გათიშულია.
კომენტარები [ 5 ]