ოფიციალურად: ანსუ ფატიმ კონტრაქტი გაახანგრძლივა

"ბარსელონას" 17 წლის ფეხბურთელმა, ანსუ ფატიმ, კატალონიურ კლუბთან ახალი კონტრაქტი გააფორმა.

"ბლაუგრანას" მიერ რამდენიმე წუთის წინ გავრცელებული ინფორმაციის თანახმად, ახალი კონტრაქტი 2022 წლამდე იქნება მოქმედი. ხელშეკრულებაში მისი 2 წლით გახანგრძლივების შესაძლებელობაცაა გათვალისწინებული.

ფატის გამოსასყიდი თანხა 70 მილიონი ევროთი გაიზარდა და 170 მილიონი შეადგინა. მას შემდეგ, რაც ფეხბურთელი პროფესიონალურ კონტრაქტს გააფორმებს და პირველი გუნდის სრულფასოვანი წევრი გახდება, მისი გამოსასყიდი თანხა 400 მილიონი ევრო გახდება.