ვერატის ყოფილი აგენტი: ალ ხელაიფიმ ბართომეუს ზარს არც კი უპასუხა
"პარი სენ-ჟერმენის" ნახევარმცველის, მარკო ვერატის ყოფილი აგენტი დონატო დი კამპლი იმ მიზეზზე საუბრობს, რომლის გამოც, იტალიელი ნახევარმცველი, 2017 წელს, "ბარსელონაში" ვერ გადავიდა.
დაახლოებით 2 წლის წინ, კატალონიური კლუბი მაშინ 24 წლის ფეხბურთელის შეძენას აქტიურად ცდილობდა და მზად იყო იმ დროისთვის ძალიან დიდი თანხა, 100 მილიონი ევრო გადაეხადა, მაგრამ გარიგება მაინც არ შედგა.
"შემოთავაზება დაუჯერებელი იყო: 100 მილიონი ევრო. თუმცა, ვერატი ყატარის ემირის ფეხბურთელი იყო და მას ეს მოთამაშე ყველაზე მეტად მოსწონდა. ვერატის გაყიდვის საკითხი არც კი განხილულა. ბართომეუმ ნასერ ალ ხელაიფის დაურეკა, მაგრამ პსჟ-ს პრეზიდენტმა ზრდილობის გამოც კი არ უპასუხა. რა თქმა უნდა, ვერატიმ ეს ცუდად მიიღო." - განაცხადა დონატო დი კამპლიმ Le Journale de Dimanche-სთან საუბრის დროს.
ამ სიახლეზე კომენტარები გათიშულია.
კომენტარები [ 9 ]