"ლაიფციგი" "ბარსელონას" სამიზნეს 70 მილიონიანი ფასდაკლებით შეიძენს
ნორვეგიელი ამომავალი ვარსკვლავი, ერლინგ ჰოლანდი, ევროპის საუკეთესო კლუბების, მათ შორის "ბარსელონას" ყურადღების ცენტრშია. თუმცა, არის შანსი, 19 წლის ფეხბურთელი მომდევნო სეზონში "ლაიფციგში" აღმოჩნდეს.
გერმანული Bild-ის ინფორმაციით, "ლაიფციგს" ჰოლანდის სანაცვლოდ "ზალცბურგისთვის" მხოლოდ 30 მილიონი ევროს გადახდა მოუწევს, როცა სხვა კლუბებისთვის ეს თანხა 100 მილიონია. ამის მიზეზი, რა თქმა უნდა, ორ კლუბს შორის არსებული განსაკუთრებული ურთიერთობაა, რადგან ორივეს მფლობელი ენერგეტიკული სასმელების გიგანტი Red Bull-ია.
"ლაიფციგი" "ზალცბურგიდან" პერსპექტიულ მოთამაშეებს ხშირად იმატებს. ბოლოდროინდელი ტრანსფერებიდან დაიო უპამეკანოს და ნაბი კეიტას გამორჩევა შეიძლება.
ერლინგ ჰოლანდი "ბარსასთვის" ლუის სუარესის შემცვლელად მოიაზრება, თუმცა, როგორც ფეხბურთელის მამამ განაცხადა, მისი სურვილი პრემიერ ლიგაში თამაშია.
ამ სიახლეზე კომენტარები გათიშულია.
კომენტარები [ 3 ]