ჟორდი ალბას დაახლოებით 1 თვე გაუცდება
"ბარსელონას" მარცხენა მცველი ჟორდი ალბა ფეხბურთის თამაშს უახლოესი დაახლოებით ერთი თვის განმავლობაში ვერ შეძლებს. ამ ინფორმაციას კატალონიური სპორტული გამოცემები, Sport და Mundo Deportivo ავრცელებენ.
"სლავიასთან" გამართული შეხვედრის (0-0) მე-2 ტაიმის დასაწყისში, ერნესტო ვალვერდემ ალბა სერჟი რობერტოთი შეცვალა. როგორც მოგვიანებით გაირკვა, მარცხენა მცველს ძველი ტრავმის რეციდივი აქვს.
კატალონიელი ჟურნალისტების ინფორმაციით, "ბარსელონა" აპირებს არ გარისკოს და ალბას გამოჯანმრთელების პროცესი არ დააჩქაროს. შედეგად, 30 წლის ფეხბურთელს დაახლოებით 4-5 კვირა გაუცდება.
თუ ეს ინფორმაცია სიმართლეს შეესაბამება, მაშინ ალბა "სელტასთან", "ლეგანესთან", "დორტმუნდთან", "ატლეტიკოსთან" და სავარაუდოდ "მალიორკასთან" გასამართ შეხვედრებს გამოტოვებს.
"ბარსელონას" მიზანი ფეხბურთელის 18 დეკემბერს გასამართი "ელ კლასიკოსთვის" სრულ მაადყოფნაში ყოლაა.
ამ სიახლეზე კომენტარები გათიშულია.
კომენტარები [ 8 ]