სერხიო ბუსკეტსი მიგელის გაუთნაბრდა
"ბარსელონას" საყრდენმა ნახევარმცველმა, სერხიო ბუსკეტსმა, კატალონიური კლუბის მაისურით ჩატარებული მატჩების მიხედვით, მე-5 პოზიციაზე გადაინაცვლა.
"სლავიასთან" გუშინ გამართული შეხვედრა (0-0), ბუსკეტსისთვის, "ბარსელონას" მაისურით, რიგით 549-ე გამოდგა. ის გაუთნაბრდა "ბლაუგრანას" ლეგენდას, მიგელის, რომელიც კატალონიურ კლუბში 1973-1989 წლებში თამაშობდა.
31 წლის ფეხბურთელზე წინ მხოლოდ მისივე ეპოქის წარმომადგენლები არიან: ჩავი ერნანდესი - 767 თამაში; ლიონელ მესი - 697 თამაში; ანდრეს ინიესტა - 674 თამაში; კარლეს პუიოლი - 593 თამაში.
ბუსკეტსს თეორიული შანსი აქვს კარლეს პუიოლს მიმდინარე სეზონშივე გაუთანაბრდეს, მაგრამ ამისთვის საჭიროა, რომ მისი გუნდი ჩემპიონთა ლიგისა და ესპანეთის თასის ფინალში გავიდეს და ფეხბურთელმა მონაწილეობა ყველა შეხვედრაში მიიღოს.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 3 ]