ერნესტო ვალვერდე - უფრო ცუდად, ვიდრე ტატა მარტინო
ბოლო დროს რომ "ბარსელონას" სტუმრად თამაში უჭირს, ეს სიახლე არავისთვისაა. კატალონიელები ნებისმიერი დონის მეტოქის მოედანზე თამაშის დროს იტანჯებიან, რაც შედეგზეც აისახება.
"ლევანტესთან" გუშინ წაგების (1-3) შემდეგ, ერნესტო ვალვერდემ სტუმრად თამაშის სტატისტიკა იმდენად გაიუარესა, რომ ის ხერარდო "ტატა" მარტინოს მაჩვენებელსაც კი ჩამოსცდა.
არგენტინელი სპეციალისტი ბოლო დროის "ბარსას" ყველაზე წარუმატებელ მწვრთნელად მიიჩნევა. "ბლაუგრანაში" გატარებული ერთი სეზონის განმავლობაში მან მხოლოდ 1 ტიტული მოიგო, ისიც სეზონის სტარტზე, ესპანეთის სუპერ თასი.
ლა ლიგაში, ტატა მარტინომ "ბარსელონას" 19 გასვლით შეხვედრაში უთავკაცა და მისმა გუნდმა მხოლოდ 57.89% მოიგო. ერნესტო ვალვერდეს, "ბარსელონას" თავკაცობის დროს, ესპანეთის ჩემპიონატში ჩატარებულ 44 გასვლით თამაშში მხოლოდ 25 მოგება აქვს, რაც 56.82%-ს უდრის. პრიმერას მიმდინარე გათამაშებაში, მეტოქის მოედანზე გამართულ 6 მატჩში "ბარსას" 2 მოგება, 1 ფრე და 3 წაგება დაუგროვდა.
ამ სიახლეზე კომენტარები გათიშულია.
კომენტარები [ 11 ]