ლანგლემ უმტიტის პერსონალური ბრძოლა მოუგო
ხავიერ მასკერანოს წასვლისა და ტომას ვერმალენის ტრავმის შემდეგ, გუნდში მცველის ყიდვის აუცილებლობა გაჩნდა. არჩევანი საბოლოოდ კლემან ლანგლეზე შეჩერდა, რომელიც არაჩვეულებრივად თამაშობდა "სევილიაში" ორი სეზონის განმავლობაში. კატალონიელებს "სევილიასთან" მოლაპარაკებები არ ჰქონიათ, რადგან პირდაპირ გადაიხადეს 35 მილიონი ევრო. ახლადარჩეულმა ერიკ აბიდალმა ლანგლე "ბარსელონაში" გადმოსვლაში დაარწმუნა.
ამ დროს დაცვის უკანა ხაზში ჟერარ პიკემ და სამუელ უმტიტიმ არაჩვეულებრივი ტანდემი შექმნეს. ახალმოსული ლანგლეს სპორტულმა დირექტომა პირობა მისცა, რომ "კამპ ნოუზე" თამაშის შანსს მიიღებდა. ეს ასეც მოხდა უმტიტის პირველ სერიოზული ტრავმის შემდეგ.
ამ პერიოდიდან მოყოლებული ფრანგმა საოცარი პროგრესი აჩვენა და ძირითადი შემადგენლობის წევრიც გახდა, შეიძლება ითქვას, რომ მან სამუელ უმტიტი ჩაანაცვლა. იგივე მდგომარეობაა საფრანგეთის ნაკრებშიც. ლანგლეს თამაშიდან გამომდინარე, დიდიე დეშამი იძულებული გახდა იგი ნაკრებში გამოეძახებინა და აქაც მან უმტიტის ადგილი დაიკავა.
"ვალიადოლიდთან" შეხვედრისას კლემან ლანგლემ სეზონში პირველი გოლი გაიტანა და, ამასთანავე, არაჩვეულებრივად გამოიყურებოდა დაცვის ხაზში. ამ ყველაფრის ფონზე სამუელ უმტიტის მომავლის ირგვლივ კითხვის ნიშნები ჩნდება. საინტერესოა, დატოვებს ფრანგი "ბარსელონას" თუ არა.
ამ სიახლეზე კომენტარები გათიშულია.
კომენტარები [ 11 ]