რატომ არაფერს ამბობს მესი კატალონიაში მიმდინარე პროცესებზე?
კატალონიაში უკვე დიდი ხანია პოლიტიკურად არამდგრადი სიტუაციაა, რაც ფეხბურთზეც აისახება - ხვალ გასამართი "ელ კლასიკო" 18 დეკემბრისთვის გადაიდო.
მიმდინარე პროცესთან დაკავშირებით თავიანთი პოზიცია დააფიქსირეს ჟერარ პიკემ, ჩავი ერნანდესმა, პეპ გვარდიოლამ, კლემან ლანგლემ და თავად "ბარსელონამაც". თუმცა, მიუხედავად იმისა, რომ მიმდინარე პროცესები კლუბის ყოველდღიურობაზეც აისახება, კვლავ დუმს "ბარსას" კაპიტანი ლეო მესი.
როგორც ირკვევა, კატალონიაში ეს არავის უკვირს და არაკატალონიელისგან მსგავს სიტუაციაში ხმის ამოღებას არც ითხოვენ. პორტალი Tribuna კატალონიელ ჟურნალისტს, მარკ მოსულს დაუკავშირდა და ამ საკითხზე კომენტარი სთხოვა.
"მესი არგენტინელია. ის მხოლოდ ფეხბურთის თამაშზე, კვებასა და ძილზე ფიქრობს. არავინ ელის, რომ მესი დამოუკიდებლობაზე, ან კატალონიელი ხალხის უფლებებზე რამეს იტყვის. ის კატალონიურად არც კი ლაპარაკობს. მიმდინარე პროცესებთან დაკავშირებით აზრი უკვე გამოხატეს სერჟი რობერტომ, პიკემ, ჩავიმ და გვარდიოლამ. რა თქმა უნდა, თუ მესი ალაპარაკდება, ამით კატალონიას დაეხმარება, მაგრამ ეს შეუძლებელია."
ამ სიახლეზე კომენტარები გათიშულია.
კომენტარები [ 7 ]