მარკ-ანდრე ტერ შტეგენი: პრობლემა ფსიქოლოგიურია და არა ტაქტიკური
ბოლო ორი სეზონის განმავლობაში ჩემპიონთა ლიგაზე "ბარსელონას" ასპარეზობა საკმაოდ უიღბლოდ დასრულდა და, შეიძლება ითქვას, გუნდმა ფიასკო განიცადა. მარკ-ანდრე ტერ შტეგენის აზრით, ეს ტაქტიკური შეცდომები არ იყო, ეს ფსიქოლოგიური მომენტია. როგორც ჩანს, ხელმძღვანელობაც იმავე აზრისაა, რადგან ერნესტო ვალვერდე კვლავ "ბლაუგრანას" თავკაცია და კლუბი მას ნდობას უცხადებს.
ერთ-ერთ სპორტულ გამოცემასთან ინტერვიუში "ბარსელონას" მეკარემ სწორედ ამ თემაზე ისაუბრა.
"ეს არ იყო ტაქტიკური საკითხების ბრალი, ეს ფსიქოლოგიურია და მათ ღრმად უნდა შევეხოთ. სწორედ ამიტომაც არ ვიტყვი არასდროს, რომ იგივე არ განმეორედება. ჩვენ ყველანი გაყინულები ვიყავით და ამ ყველაფერს ახნსა არ ჰქონდა."
ტერ შტეგენმა გერმანიის ნაკრებში მანუელ ნოიერთან არსებულ კონკურენციაზეც ისაუბრა.
"ჩვენ ორივე პროფესიონალები ვართ. ერთი პოზიციისთვის ვიბრძვით, თუმცა შეგვიძლია საღამოს მშვიდად ვილაპარაკოთ, მიუხედავად ამბიციებისა."
"მსურს "ბარსელონასთვის" სარგებელი მოვიტანო, განვავითარო ჩემი სათამაშო სტილი. ტიტულები მნიშვნელოვანია, მაგრამ, აგრეთვე, ის მოგონებები, რომლებიც გუნდთან გაკავშირებს." - ციტირებს გერმანელის სიტყვებს Marca.
ამ სიახლეზე კომენტარები გათიშულია.
კომენტარები [ 7 ]