კლემან ლანგლე: უსმან დემბელე ძალიან ნიჭიერია, მაგრამ...
"სლავიასთან" ხვალ გასამართი მატჩის წინ, ერნესტო ვალვერდეს გარდა, "ბარსელონას" მხრიდან პრესკონფერენციაზე ჟურნალისტების კითხვებს კლემან ლანგლემ უპასუხა.
"ამ გუნდში და ამ მწვრთნელთან თავს კომფორტულად ვგრძნობ. ვფიქრობ, შემიძლია კიდევ მოვუმატო და გუნდს მეტი შევმატო.
"სლავიას" მწვრთნელს შექებისთვის მადლობას ვუხდი.
ვიცით, რომ "სლავიას" არაერთი კარგი თვისება აქვს.
უმტიტის ტრავმა? მას ბოლომდე გამოსაჯანმრთელებლად დრო სჭირდება, მაგრამ სამუელს სერიოზული არაფერი სჭირს.
ახალი სეზონი ახალი მიზნებით დავიწყეთ.
ხვალ რთული თამაში გველის, როგორც "ეიბართან", მაგრამ გეგმა გვაქვს და ვიცით, როგორ უნდა ავიღოთ 3 ქულა.
გრიზმანის საკითხი აქტუალური აღარაა. მიხარია, რომ "ეიბართან" თამაშის შემდეგ ამაზე აღარავინ საუბრობდა. სამივე თავდამსხმელმა ძალიან კარგად ითამაშა.
დემბელე ძალიან ნიჭიერია, მაგრამ იმ თამაშის გათვალისწინებით, რაც ანტუანმა აჩვენა... თუმცა, დემბელეს ნებისმიერ დროს შეუძლია დაგვეხმაროს.
თუ "კლასიკოს" დეკემბერში დანიშნავენ, ესე იგი, დეკემბერში ვითამაშებთ. ეს განსაკუთრებული თამაშია, დაძაბულობის მაღალი ხარისხით.
ამ სეზონში უკეთესად გამოვიყურებით ფიზიკურად, ინდივიდუალურ დონეზე. უნდა გვახსოვდეს, რას მივაღწიეთ გასულ სეზონში და ასევე განვაგრძოთ, რადგან ტიტულების მოგება გვინდა.
"ეიბართან" მატჩში საგოლე გადაცემის გაკეთება სასიამოვნო იყო, მაგრამ თამაშის მშრალად დასრულება უფრო მნიშვნელოვანია."
ამ სიახლეზე კომენტარები გათიშულია.
კომენტარები [ 19 ]