ესპანეთის ჩემპიონატის მე-9 ტურში "ეიბართან" თამაშს "ბარსელონა" ერთი უარყოფითი სტატისტიკური მაჩვენებლით შეხვდა - გუნდს მოგება არ ჰქონდა ბოლო 6 შეხვედრაში, როდესაც ჟერარ პიკე მოედანზე არ იყო.

"ბარსელონას" მიერ ლა ლიგაში პიკეს გარეშე ჩატარებული უკანასკნელი 6 დაპირისპირებიდან კატალონიელებს 5 წაგებული ჰქონდათ, 1 კი ფრედ დასრულებელი. სტატისტიკა შემაშფოთებელია.

გუშინ, პიკემ "ეიბართან" ყვითელი ბარათების ლიმიტის ამოწურვის გამო ვერ ითამაშა, მაგრამ "ბლაუგრანამ" უსიამოვნო ტრადიცია დაარღვია და დაცვის ლიდერის გარეშეც მარტივად მოიგო.