კაზემიროს "კლასიკოს" გამოტოვება აღარ ემუქრება
მადრიდის "რეალის" ბრაზილიელ ნახევარმცველს, კაზემიროს, ლა ლიგაში მიღებული ერთი ყვითელი ბარათი გაუუქმეს, რის გამოც, მას 26 ოქტომბერს გასამართი "ელ კლასიკოს" გამოტოვება აღარ ემუქრება.
აქამდე, 27 წლის ფეხბურთელს, ლა ლიგის მიმდინარე გათამაშებაში, 4 ყვითელი ბარათი ჰქონდა მიღებული, რაც იმას ნიშნავდა, რომ მომდევნო ტურში "მალიორკასთან" გაფრთხილების შემთხვევაში, ის 26 ოქტომბერს "ბარსელონასთან" ვერ ითამაშებდა. ამას ისიც ემატებოდა, რომ ტრავმირებულები არიან ლუკა მოდირიჩი და ტონი კროოსი, რის გამოც, ზინედინ ზიდანს ბრაზილიელის "მალიორკასთან" დასვენება გაუჭირდებოდა.
მადრიდული გამოცემების, Marca-სა და As-ის ცნობით, დღეს, კაზემიროს "ვილიარეალთან" პირველ სექტემბერს მიღებული ყვითელი ბარათი გაუუქმეს, რაც იმას ნიშნავს, რომ ფეხბურთელი "მალიორკასთან" მშვიდად ითამაშებს.
ამ სიახლეზე კომენტარები გათიშულია.
კომენტარები [ 9 ]