რაკიტიჩი, არტური და დე იონგი ვარჯიშს დაუბრუნდნენ
დღეს, "ბარსელონამ" კვირის მეორე ვარჯიში გამართა, რომელსაც ნაკრებებიდან დაბრუნებული 3 ფეხბურთელი შეუერთდა.
სანაკრებო თამაშების მოთავების შემდეგ, "ბლაუგრანას" სამი ნახევარმცველი დაუბრუნდა - ივან რაკიტიჩი, არტური და ფრენკი დე იონგი.
გუნდთან ერთად სრული დატვირთვით ივარჯიშა ჟორდი ალბამ, რომელიც თითქმის ერთი თვეა უთამაშებელია.
კარლეს პერესმა, რომელმაც ესპანეთის ახალგაზრდულ ნაკრებში თამაშის დროს ტრავმა მიიღო, დღევანდელი ვარჯიშის მხოლოდ ნაწილში მიიღო მონაწილეობა. ის სრული დატვირთვით სავარჯიშოდ მზად ჯერ არაა. მის გარდა, "ბარსა ბ"-დან რიკი პუჩმა და ინიაკი პენიამ ივარჯიშეს.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]