ივან რაკიტიჩის შეძენის სურვილი "მილანმა" და "მანჩესტერ იუნაიტედმა" გამოთქვეს
როგორც ჩანს, იმის მიუხედავად, რომ ტურინის "იუვენტუსმა" ივან რაკიტიჩის იანვარში შეძენაზე უარი თქვა, ზამთრის სატრანსფერო ფანჯრის დროს, ხორვატი ნახევარმცველისთვის ბრძოლა მაინც გაიმართება.
იტალიური Calciomercato-ს ინფორმაციით, 31 წლის ხორვატი შუახაზელის დამატების სურვილს "მილანი" გამოთქვამს. "როსონერი" რაკიტიჩში ნახევარდაცვის გაძლიერების საშუალებას ხედავს.
იტალიელი ჟურნალისტების ცნობით, "მილანის" დირექტორი, ხორვატი ზვონიმირ ბობანი მისი თანამემამულის წარმომადგენლებს უკვე დაუკავშირდა.
იმავე წყაროს ცნობით, რაკიტიჩის შეძენას შეეცდება "მანჩესტერ იუნაიტედიც", რომელიც ფეხბურთელის ტრანსფერით დაინტერესებული ადრეც იყო.
ადრე გავრცელებული ცნობებით, ივან რაკიტიჩის შეძენა მილანის "ინტერსაც" სურს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 7 ]