ანსუ ფატი: ნაკრებში გამოძახებას არ ველოდი
"ბარსელონას" 16 წლის ვარსკვლავი ანსუ ფატი იმ მომენტს იხსენებს, როდესაც მან ესპანეთის 21-წლამდელთა ნაკრებში გამოძახების შესახებ გაიგო.
ანსუ ფატიმ ესპანეთის ნაკრებში თამაშის უფლება ხუთშაბათს მიიღო, პარასკევს კი ის ახალგაზრდულ გუნდში ტრავმირებული კარლეს პერესის შესაცვლელად გამოიძახეს.
"მეგობრებთან ერთად, ავტომობილით ლანჩზე მივდიოდი, რა დროსაც მამამ დამირეკა და მითხრა, რომ ნაკრებში გამომიძახეს. ვკითხე, როდის უნდა წავსულიყავი და მიპასუხა, რომ იმავე საღამოს. სახლში მივედი, გამოვიცვალე და მადრიდში გავემგზავრე.
გაკვირვებული ვიყავი, რადგან ამას არ ველოდი. მადლობა ფედერაციას, რომელმაც ჩემი აქ ყოფნისთვის არაფერი დაიშურა და მეც მაქსიმუმს გავიღებ." - ციტირებს ფატის სიტყვებს Marca.
ესპანეთის ახალგაზრდული ნაკრები, ხვალ, მონტენეგროელ თანატოლებს დაუპირისპირდება. ანსუ ფატის დებიუტი სწორედ ამ მატჩშია მოსალოდნელი.
ამ სიახლეზე კომენტარები გათიშულია.
კომენტარები [ 4 ]