"ბაიერნი" სარეკორდო ტრანსფერისთვის ემზადება

  • 5-10-2019, 13:13
  • "ბაიერნი" სარეკორდო ტრანსფერისთვის ემზადება

    "ბარსელონადან" "ბაიერნში" განათხოვრებული ფილიპე კოუტინიო მიუნხენურ გუნდში ისე თამაშობს, რომ დიდი შანსია, მომდევნო ზაფხულში კატალონიური კლუბის ბიუჯეტი 120 მილიონი ევროთი შეივსოს.

    კოუტინიო "ბარსელონადან" "ბაიერნში" გასულ ზაფხულში, იჯარით გადავიდა. კატალონიელებმა 8.5 მილიონი ევრო უკვე მიიღეს, გარდა ამისა, მათ ფეხბურთელის საკმაოდ მაღალი ხელფასიც დაზოგეს. კლუბებს შორის არსებული შეთანხმების მიხედვით, "ბაიერნს" უფლება აქვს კოუტინიო სეზონის ბოლოს 120 მილიონ ევროდ გამოისყიდოს.

    "რეკორდმაისტერის" წარმომადგენლები 27 წლის ბრაზილიელის მიმართ საქებარ სიტყვებს არ იშურებენ. კოუტინიომაც იმედების გამართლება დაიწყო - "ბაიერნის" მაისურით ჩატარებულ 7 მატჩში მან თავი 2 გოლითა და 3 საგოლე გადაცემით გამოიჩინა.

    კატალონიური Sport-ის ცნობით, მიუნხენელები ფეხბურთელის გამოსყიდვაზე სერიოზულად ფიქრობენ. თუ ასე მოხდა, "ბაიერნი" კლუბის ისტორიაში ყველაზე ძვირადღირებულ ტრანსფერს განახორციელებს. ამჟამად, "რეკორდმაისტერს" ყველაზე ძვირად, 80 მილიონ ევროდ, ლუკას ერნანდესი ჰყავს ნაყიდი.

    კომენტარები [ 6 ]

    ინფორმაცია
    მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
    გასულია
    სპარტაკი წევრი [?]

    6 ოქტომბერი 2019 21:47

    წარმატებებს უსურვებ სადაც თავს უკეთ იგრძნობს.. და მადლობაც ეკუთვნის ყველაფერი გააკეთა რომ მოსულიყო და ისტორიის ნაწილი გამხდარიყო.. მიუხედავად იმისა რომ შესანიშნავი კარიერა ქონდა ლივეში..

    0
    გასულია
    M10 S9 D11 Culé [?]

    5 ოქტომბერი 2019 15:43

    მშვენიერია მოიტათ 120 მილიონი დაამატეთ ცოტა და ზაფხულში სანე და ვან დე ბეეკი მოიყვანეთ

    4
    --------------------
    1991-92 2005-06 2008-09 2010-11 2014-15 to be continued
    გასულია
    MALUMA ფანი [?]

    5 ოქტომბერი 2019 14:14

    ჩავი თუ მოვიდა მწვრთნელად მის ტაქტიკაში კარგად ჩაჯდება დემბელეა გასაყიდი და ეს დასაბრუნებელი!

    8
    --------------------
    FCB 86-85 RMA
    FCB 96-95 RMA
    FCB 12-11 RMA
    გასულია
    გიორგი ჩანგელია ფანი [?]

    5 ოქტომბერი 2019 14:00

    ციტატა: Wtf man
    მშვენიერი იქნება 120 თუ ავიღეთ ამაში 50ს დაამატებენ და ნეიმარს მოიყვანენ. რაკეტასაც გაყიდიან რაფინიასაც ალბათ უმტიტსაც სუას უფასოდ უშვებენ და მოიყვანენ რუისს მე კი ვანდებეკი მინდა მარა რეალში მიდის ეგ. ნეიმარი რუისი ჰაალანდი იქბება სერიოზული გაძლიერება ჩვენთვის ზაფხულში

    როგორ მინდა, უმტიტიმ ოპერაცია გაიკეთოს და წასვლა კი არა, არავის გააკარებს თავის პოზიციაზე ძირითადს. ვან დე ბეეკი მეც მირჩევნია ფაბიან რუისს, იქნებ არ წავიდა "რეალში" დონი. "აიაქსიდან" "რეალში" წასვლა კრუიფის უპატივცემულობაა. რაც შეეხება ფორვარდს, ჰაალანდიც კარგია, მაგრამ ძალიან მაღალია და არ ვიცი, რამდენად ჩაჯდება ჩვენს სტილში. მიკელ ოიარსაბალი მომწონს ძალიან, 22 წლისაა და უკვე "სოსიედადის" ლიდერი და კაპიტანია. 4 წელია პირველ გუნდშია. ასევე მომწონს "ვილიარეალის" ნიგერიელი შემტევი სამუელ ჩუკვეზე, რაღაცით რობენს ჰგავს, სტილით... თითქოს ერთი და იგივეს აკეთებს - მარჯვენა ფლანგიდან ცენტრში შეწევა და დარტყმა ან პასი - მაგრამ მაინც ვერ აჩერებენ ხშირად.

    1
    --------------------
    LIONEL ANDRES LEO MESSI
    გასულია
    Wtf man ფანი [?]

    5 ოქტომბერი 2019 13:54

    მშვენიერი იქნება 120 თუ ავიღეთ ამაში 50ს დაამატებენ და ნეიმარს მოიყვანენ. რაკეტასაც გაყიდიან რაფინიასაც ალბათ უმტიტსაც სუას უფასოდ უშვებენ და მოიყვანენ რუისს მე კი ვანდებეკი მინდა მარა რეალში მიდის ეგ. ნეიმარი რუისი ჰაალანდი იქბება სერიოზული გაძლიერება ჩვენთვის ზაფხულში

    0
    გასულია
    გიორგი ჩანგელია ფანი [?]

    5 ოქტომბერი 2019 13:41

    აქ დაბრუნების შემდეგ, ვინ იცის, როგორ გამოიყენებს მწვრთნელი, და შეიძლება სჯობს ჩვენთვის, რომ მოგვცენ 120 მლნ.

    P.S. ვალვერდე, შესაძლოა, მარსელო გალიარდომ შეცვალოსო, - Mundo Deportivo-ზე წავიკითხე. მოკლედ, ძალიან მაგარი მწვრთნელია, მონსტრი გუნდი შექმნა სამხრეთ ამერიკაში, ყველას უგებს "რივერ პლეიტი", დომინანტია, მაგრამ მეშინია, ევროპაში რომ გადმოვიდეს, ტატა მარტინოს ვარიანტი არ გამოდგეს.

    1
    --------------------
    LIONEL ANDRES LEO MESSI

    პარტნიორები

    Flashscore.ge