რაკიტიჩის ცოლის განცხადება
ივან რაკიტიჩის ირგვლივ შექმნილი სიტუაცია საკმაოდ დელიკატურია.
რაკიტიჩის როლი საშინაო თუ ევროპულ სარბიელზე მიღწეულ წარმატებაში საკმაოდ მნიშვნელოვანი იყო. თუმცა ახლა ხორვატი ნაკლებ სათამაშო დროს იღებს მაშინ, როცა იგი ვალვერდეს ერთ-ერთ საყვარელ მოთამაშედ ითვლებოდა.
რაკიტიჩის ცოლმა მეუღლე მისადმი გამოჩენილი არასათანადო მოპყრობის გამო დაიცვა. ინფორმაციას Marca ავრცელებს. საქმე ერთ-ერთ სტატიას ეხება, რომელიც "ხეტაფესთან" მატჩის შემდეგ ჟურნალისტმა მანუ კარენომ გამოაქვეყნა. პუბლიკაციაში საუბარი იყო რაკიტიჩის ამჟამინდელ მდგომარეობაზე.
"თქვენ მეტად არ შეგიძლიათ არასათანადოდ მოექცეთ ამ ფეხბურთელს." - ნათქვამი იყო სტატიაში.
სწორედ ეს ციტატა დაედო საფუძვლად რაკელ მაურის პოსტს, რომელიც მან ოთხშაბათ საღამოს ინსტაგრამზე გამოაქვეყნა.
"შენ კი ხელებს არ ჩამოუშვებ. შენ ხარ მაგალითი შეუპოვრობის, სიბრძნისა და პროფესიონალიზმის. ამ ყველაფრის გამო მე შენ მიყვარხარ. შენ დიდებული ხარ და ამის შეცვლა არავის შეუძლია." - დაწერა რაკიტიჩის მეუღლემ სოციალურ ქსელში.
ამ სიახლეზე კომენტარები გათიშულია.
კომენტარები [ 18 ]