ჟერარ პიკე ახალი საფეხბურთო ტურნირის დაარსებას აპირებს
ჟერარ პიკეს ფეხბურთელობა, საფეხბურთო კლუბის პრეზიდენტობია, დევისის თასის ორგანიზატორობა და ვიდეოთამაშების ბიზნესში საქმიანობა არ ჰყოფნის. "ბარსელონას" ცენტრალურ მცველს სურს, საფუძველი ახალ საფეხბურთო ტურნირს ჩაუყაროს.
El Larguero-ს მიერ გავრცელებული ინფორმაციით, პიკე ესპანეთის ფეხბურთის ფედერაციასთან მოლაპარაკებებს უკვე აწარმოებს. საუბარია საჩოგბურთო ტურნირის, დევისი თასის მსგავსი ფორმატის საფეხბურთო ტურნირის ჩატარებაზე, რომელშიც მონაწილეობას ევროპის წამყვანი ჩემპიონატების გამარჯვებულები მიიღებენ. ტურნირზე ასევე სხვა გრანდებსაც მიიწვევენ.
მას შემდეგ, რაც ჟერარ პიკემ დევისის თასის ორგანიზატორობა ითავა, ამ ტურნირის ფორმატი შეიცვალა. ამჟამად, ტურნირში 18 გუნდი მონაწილეობს, რომლებიც 6 სამგუნდიან ჯგუფში არიან განაწილებულნი. ჯგუფების გამარჯვებულები და 2 საუკეთესო მეორეადგილოსანი 1/4-ფინალში გადის.
ამ სიახლეზე კომენტარები გათიშულია.
კომენტარები [ 4 ]