მხოლოდ 62 საათი "კლასიკოსთვის" მოსამზადებლად

მას შემდეგ, რაც სეზონის პირველი "ელ კლასიკოს" ზუსტი დრო გაირკვა, ცნობილი გახდა, რომ "ბარსელონას" პრინციპულ მეტოქესთან შესახვედრად ძალიან ცოტა დრო ექნება.

23 ოქტომბერს, ოთხშაბათს, თბილისის დროით 23:00 საათზე, კატალონიელები პრაღის "სლავიას" სტუმრად დაუპირისპირდებიან. 26 ოქტომბერს, კვირას, 15:00 საათზე, "კამპ ნოუზე" "ელ კლასიკო" გაიმართება. ეს ნიშნავს, რომ თამაშებს შორის "ბლაუგრანას" ძალების აღსადგენად მხოლოდ 62 საათი ექნება. ამ დროში შედის პრაღიდან კატალონიაში დაბრუნებაც.

ადვილად საქმე არც "რეალს" აქვს. მადრიდელები, ჩემპიონთა ლიგაზე, "გალათასარაისთანაც" სტუმრად ითამაშებენ და "ბარსელონასაც" სტუმრად დაუპირისპიდებიან. თუმცა, ვინაიდან "სამეფო კლუბი" თურქეთში 22 ოქტომბერს თამაშობს, მას, "ბარსელონასთან" შედარებით, "კლასიკოსთვის" მოსამზადებლად 24 საათით მეტი აქვს.