"გრანადასთან" მატჩში ლუის სუარესმა თავი ვერ გამოიჩინა, თუმცა მან გააკეთა ის, რაც ბოლო წლებში ყველაზე კარგად გამოსდის - მსაჯთან და მეტოქეებთან კამათი.

Movistar-ის კამერებმა დააფიქსირეს მომენტი, როდესაც ლუისი გვერდით მსაჯს ეჩხუბება: "შენ კონუსი ხარ, უბრალოდ კონუსი." - სავარაუდოდ, ამით სუარესი არბიტრს ეუბნებოდა, რომ ის გამოუსადეგარი იყო, თუმცა მატჩში კონუსის როლს სწორედ "ბარსელონას" თავდამსხმელი ასრულებდა.

ასევე, ლუისმა არ "დაინდო" მისი მეტოქეც: "მატყუარა ბავშვი ხარ, ახლა აქეთ-იქით იგორავებ." - ეჩხუბებოდა სუარესი წაქცეულ რამონ აზიზის.

იმედი ვიქონიოთ, რომ მომავალ მატჩებში ლუისი მეტოქეებისთვის დისკომფორტის შექმნას გოლების გატანით შეეცდება.