"ბაიერნის" პრეზიდენტი: ტერ შტეგენს რაიმეს მოთხოვნის უფლება არ აქვს
მიუნხენის "ბაიერნის" პრეზიდენტი ული ჰიონესი გერმანიის ნაკრებში პირველი მეკარის შესახებ წამოჭრილ დებატებში ერთვება და მისი კლუბის კარის დარაჯს, მანუელ ნოიერს იცავს.
ბოლო დროს, გერმანიის ნაკრებში მანუელ ნოიერისა და მარკ-ანდრე ტერ შტეგენის კონკურენცია ისედაც აქტუალური იყო, "დორმტუნდთან" "ბარსას" კარის დარაჯის მიერ ჩატარებულმა ბრწყინვალე შეხვედრამ კი ეს დებატები კიდევ უფრო გაამძაფრა. ტერ შტეგენი ეროვნულ გუნდში მუდმივად მეორე ნომრობით უკმაყოფილებას უკვე ღიად გამოხატავს.
"ეს ხუმრობაა. ტერ შტეგენს მოთხოვნების წამოყენების უფლება არ აქვს.
ვფიქრობ, მიუნხენური პრესა მიმდინარე მოვლენებზე სათანადოდ არ რეაგირებს. დასავლეთ გერმანიის პრესა მარკ-ანდრეს მხარს გამალებით უჭერს, თითქოს მას მსოფლიო ჩემპიონატი 17-ჯერ ჰქონდეს მოგებული. ვერ ვხედავ, რომ სამხრეთული პრესა მხარს ნოიერს უჭერდეს.
შესაბამისმა პირებმა გარკვევით უნდა თქვან, რომ ნაკრების პირველი მეკარე მანუელ ნოიერია. ის წლების განმავლობაში მსოფლიოში საუკეთესო იყო. როდესაც მას ტრავმა ჰქონდა, ცხადი იყო, რომ ფორმის დაბრუნების შემდეგ კვლავ ნომერ პირველი იქნებოდა და ასეც მოხდა. გერმანიის ფეხბურთის ფედერაციისგან მეტ მხარდაჭერას ველი. მათთან პრობლემები ყოველთვის გვქონდა. ჯერ ჩვენი 3 ფეხბურთელის ნაკრებს მიღმა დატოვება, ახლა კი ნოიერი...
მისაღები არაა, როდესაც თანაგუნდელი საჯაროდ საუბრობს ისეთ თემებზე, რომლებზეც მხოლოდ იოახიმ ლიოვთან უნდა ისაუბროს." - ციტირებს ჰიონესის სიტყვებს გერმანული Sport1.
ამ სიახლეზე კომენტარები გათიშულია.
კომენტარები [ 13 ]